Me mall Skënder Lako. Piktor
24 Gusht 2002

Bisedë me veprën e mikut dhe kolegut tim, Prof.Fatmir Haxhiu.

Në jetë të gjithë ikin,ikin dhe nuk këthehen më,por për artistin, që gjithë jetën, ju përkushtua pasionit të tij për artin, ka një privilegj të madh që ai ndonse ikën e një ditë
këthehet “përsëri” mes atyre që e deshën dhe e respektuan gjithë jetën.

Natyrshëm më lindi një dëshirë dhe ndjenjë malli për të biseduar me ty, me veprën tënde e cila të dha vlerën e pavdekësisë,pra ti ike për tu këthyer përsëri.

Tani që po bisedoj me veprën tënde kam në dorë një vizatim që unë e ruaj me shumë kujdes,sepse ti profesor ma ke dedikuar mua me mall dhe dashuri prej artisti.

Mbase ky vizatim më zgjoi mallin për ty, një mall që vjen nga larg.

Fatmir, ti ishe një artist pa moshë,një artiste me një vepër patetike plot vrull krijues,cilësi këto që i atriboheshin talentit,punës dhe përkushtimit tënd.Tani që po bisedoj me veprën tënde,shikoj që ajo ka rrugën e saj të gjatë e zhvilluar në një shtrat të fuqishem realist pa konvencione apo ngarkesa të tepërta figurative.

Krijmtaria tënde prej një artisti mjeshtëror i takon në përgjithësi subjekteve dhe temave të luftës,lëvizjeve të mëdha shoqërore të vëndit tonë.Vepra juaj është e zhvilluar pothuaj në një sfond historik e mbushur plot personazhe në lëvizje mes portreteve me psikollogji ekspresive ku ti gjithë jetën punove mes tyre dhe asnjëherë nuk e ndjeve vehten i vetmuar.

Vepra tënde Fatmir ka të mëshiruar një pasuri të madhe intelektuale.Aritjet më të mëdha të vlerave botërore,ishin dhe aritje të vlerave tënde artistike.Artistë të mëdhenjë botërorë si Rembrand,Rubens,ose Francez me mjeshtrat e mëdhenjë Eugen Delacroix,Theodor Gericalt,Luis David,Louis Le Nain etj, që janë thesar të kulturës botërore ishin pjesë të shpirtit tënd artistik. Vepra tënde u shqua për një stil personal,kolorit kontrastesh që me punën tënde u bëre një artist virtuoz.Gjithë vepra tënde është një bised pa fund,sepse ajo erdhi nga një rrugë e gjatë dhe si piktor i betejave(Batalist) na le një vepër pasionante,duke provokuar gjithmonë entuziazmin e
dashamirësve tënd,kolegëve dhe studentëve të cilët të deshin dhe të duan duke respektuar gjithëmon veprën tënde të palodhur e cila nuk provoi asnjëher ndjenjën e dështimit.Me veprën tënde profesor Fatmiri je mes nesh,të kujtojmë me mall,kolegët dhe miqt e tu dhe mos haro që “vdekja e vërtet është harimi”,prandaj kurrë nuk do të ndihesh i braktisur nga njerzit e tu,miqtë dhe kolegët që të deshën.Dhe tani o miku im i vjetër po e mbyll bisedën me veprën tënde duke kujtuar një thënje të vjetër e cila thotë”miqtë dhe shokët më të mire i ke në varrezë”
Tani prof. Fatmiri unë po iki,po shkojë në studjo për të vazhduar bisedën me ty, por këtë rradhë mes magjisë së ngjyrave që ti, ju dhe jetë nga shpirti tënd,prej artisti të madh.

Të urroj gjithmonë qetësi

<<< Për tu njohur me opinionet